Фиорентина го совлада Интер со убедливи 3-0 во натпреварот што вечерва беше доигран, откако првично беше прекинат на 1 декември минатата година. Дуелот беше стопиран по само 17 минути игра, кога Едоардо Бове колабираше на теренот поради срцев удар. За среќа, тој се опорави и го избегна најлошото, иако сè уште не се вратил на фудбалските терени.
Лука Раниери во 60. минута донесе предност за Фиорентина, а осум минути подоцна Моис Кин ја зголеми на 2-0.
Напаѓачот погоди уште еднаш во 89.минута и го постави конечниот резултат во завршницата од мечот.
Со овој триумф, Фиорентина се искачи на второто место со 42 бода, додека Интер останува второпласиран со 51 бод.
