Лидерот во француската Лига 1, Пари Сен Жермен, е подобар откако напаѓачот Килијан Мбапе го напушти тимот и прејде во Реал Мадрид минатата година, изјави тренерот Луис Енрике пред утрешното дерби со третопласираниот Монако.
Мбапе си замина во јуни за да се приклучи на шпанскиот гигант по седум години во Париз, каде што постигна повеќе од 170 голови во Лига 1 на над 200 натпревари за клубот.
„Минатата сезона бев многу храбар кога ви кажав дека ќе имаме подобар тим и во нападот и во одбраната“, изјави Луис Енрике.
„Сè уште мислам дека сме подобри во двете фази по заминувањето на Мбапе, а статистиката го потврдува тоа. Играчите го прифатија ова како предизвик за да докажат дека можат и без него. Се разбира, ќе сакавме да го задржиме Килијан, бидејќи сите го сакаа, но тимот реагираше перфектно. Ви кажав дека наместо еден играч кој ќе постигнува 40 голови, сакав неколку играчи кои ќе постигнуваат многу. Се соочивме со ситуација што не ја посакувавме, но која се случи, а зрелоста на тимот е на многу високо ниво“, додаде Енрике.
Актуелниот шампион ПСЖ е единствениот непоразен тим во најдобрите Топ 5 лиги во Европа по 20 кола, со 10 бодови предност пред Олимпик Марсеј и 13 пред Монако.
