Најтрофејниот македонски клуб Вардар го победи вториот тим на Рапид Виена со 3-1 на денешниот пријателски натпревар во Анталија. Стрелци на головите за „црвено-црните“ беа Немања Босанчиќ во 40.минута, Роџерс Мато во 55.минута и Михаил Талевски во 70.минута.
Со овој меч Вардар го заокружи подготовките со една победа, три ремија и два порази, и гол разлика 6-6.
Вардарци се враќаат во Скопје на 8. февруари и ќе се подготвуваат за почетокот на вториот дел од шампионатот.
