Тотенхем започнал преговори со Астон Вила за потенцијалeн трансфер на 27-годишниот крилен напаѓач Леон Бејли. Откако Астон Вила ја засили својата офанзивна линија со Дониел Мален и Маркус Рашфорд, клубот може да ја разгледа можноста за разделба со Бејли.
Менаџерот на Тотенхем, Анге Постекоглу, се соочува со повеќе повреди кај своите офанзивни играчи, меѓу кои Доминик Соланке, Вилсон Одобер, Тимо Вернер, Бренан Џонсон и Џејмс Медисон.
Првично се шпекулираше дека Манчестер Јунајтед исто така покажува интерес за позајмица на Бејли, но, сепак, Јамајканецот веќе не е во плановите на „црвените ѓаволи“.
Оваа сезона Бејли има постигнато еден гол и три асистенции во 29 натпревари, додека минатата сезона неговата статистика беше далеку подобра.
