Јувентус ја оствари својата деветта победа во Серија А оваа сезона, по пресвртот против Емполи на домашен терен со 4-1. Херој на натпреварот беше новото засилување Рандал Коло Муани, кој постигна два гола за само три минути, а во завршницата се запишаа и Душан Влаховиќ и Франциско Консеисао.
Емполи стигна до водство уште во четвртата минута со голот на Матија Де Шилјо, но Јувентус не се предаде и во второто полувреме го изврши пресвртот. Коло Муани беше на висина на задачата, постигнувајќи два гола во брзо време, додека на крајот Влаховиќ и Консеисао ги поставија конечните 4-1 за “старата дама”.
