Реал Мадрид синоќа беше поразен на гостувањето кај Еспањол со 1-0, за згора на тоа поради повреда остана и без Антонио Рудигер. Германецот мораше да го напушти теренот уште во 15. минута, а сега се потврдија стравови на навивачите на Реал Мадрид. Тој ќе паузира околу 20 дена, но во многу непријатен период за тимот.
„Кралскиот клуб“ беше фаворит во натпреварот против Еспањол, кој оваа сезона не се покажува во најдобро светло, но клубот од Барселона успеа да изненади.
Но, сè ова е ставено во втор план поради повредата која ја претрпе Антонио Рудигер уште на почетокот на натпреварот.
Во текот на следните 20 дена, Ридигер ќе пропушти пет исклучително важни натпревари, вклучувајќи ги натпреварите против Леганес во Купот на Кралот, дербито со Атлетико и двомечот со Сити.
