Реал Мадрид доживеа изненадувачки пораз од Еспањол (1-0), иако „кралевите“ беа сметани за големи фаворити пред почетокот на натпреварот. Единствениот гол беше постигнат од Карлос Ромеро во 85. минута, кој совршено зафати волеј удар по центаршутот на Ел Хилали, што заврши на вториот дирек.
„Кралевите“ сигурно ќе имаат забелешки за судењето, бидејќи во 61. минута Ромеро можеше да биде исклучен по силниот фаул врз Килијан Мбапе, но судијата не се одлучи за таква санкција. Потоа, Ромеро го реши натпреварот со својот гол.
Реал Мадрид создаде неколку одлични прилики, но не успеа да ги искористи.
По овој пораз, „кралевите“ сега имаат само еден бод предност пред Атлетико Мадрид, а следува нивната важна меѓусебна пресметка.
