Актуелниот првак Струга Трим Лум доживеа пораз (1-2) на денешниот пријателски натпревар во Анталија против З. Михаловце. Единствениот гол за стружани го постигна Ланре Кехинде.
Најтрофејниот македонски клуб Вардар ги заврши подготовките во Анталија со 0-0 реми против унгарскиот Чаквар. „Црвено-црните“ имаа шанса да стигнат до победа, но Спахиу не реализираше пенал.
Пријателски натпревар денеска одиграа Охрид и Пелистер во кој битолчани стигнаа до убедлива победа од 0-5. Тарасенко постигна хет-трик за Пелистер, додека останатите два гола ги дадоа Фернандињо и Стојановски.
