Маудо Ламин Жаржу ќе ја засили одбраната на Струга ТЛ во пролетниот дел од сезоната. Стоперот, кој доаѓа од норвешкиот Сандерфјорд, има богата кариера зад себе, со настапи во клубови како Елфсборг, Австрија Виена, Слован Братислава, Сабаил, Жил Висенте и Нуњо Тристао.
Маудо Жаржу, кој е репрезентативец на Гамбија, пристигнува како слободен агент по истекот на договорот со Сандефјорд. Овој трансфер се очекува да биде значајно засилување за Струга ТЛ во борбата за одбрана на титулата во македонскиот шампионат.
