Џерард заминува од саудискиот Ал-Етифак

Легендата на Ливерпул, Стивен Џерард, ќе си замине од тренерската позиција во Ал-Етифак, пренесуваат саудиските медиуми. Оваа одлука е на негово барање, при што тој побарал да биде ослободен со взаемна согласност.

Џерард не е отпуштен, туку заминува поради „лични причини“.

Раководството на Ал-Етифак го почитувало неговото решение и веќе се договорени условите за разделба. Се наведува дека Англичанецот во иднина би можел повторно да размисли за ангажман во саудискиот фудбал.