Алфонсо Дејвис, канадскиот дефанзивец на Баерн Минхен, е многу блиску до потпишување на нов договор со германскиот клуб, кој ќе има важност до летото 2030 година. Според германските медиуми, Дејвис ќе има значителен раст во својата плата, која ќе достигне 15 милиони евра годишно.
Договорот на 24-годишниот канадски фудбалер со Баерн Минхен истекува на 30 јуни 2025 година, а клубот сака да го обезбеди за подолг период. Претходно се појавија информации дека Реал Мадрид е заинтересиран за услугите на Дејвис и го следи како потенцијален слободен агент во летниот преоден рок.
Оваа сезона, Алфонсо Дејвис одигра 23 натпревари за Баерн Минхен во сите натпреварувања, постигнувајќи еден гол и три асистенции.
