Комо ја запиша својата петта победа во Серија А оваа сезона, триумфирајќи убедливо против Удинезе со 4-1. Тимот предводен од Цеск Фабрегас покажа одлична игра и комплетна доминација, што резултираше со заслужен успех.
Дијао го отвори резултатот рано во натпреварот, а Стрефеца ја зголеми предноста на 2-0 непосредно пред крајот на првото полувреме.
Удинезе доби надеж во 50. минута, кога Пајеро постигна гол за намалување на разликата, но Комо продолжи да контролира. Бијол си даде автогол, а Нико Паз во судиското продолжение со погодок го завери убедливиот триумф на својот тим.
