Реал Мадрид го совлада Лас Палмас на „Сантијаго Бернабеу“ со 4-1 и се врати на врвот на табелата во Ла Лига. „Кралевите“ на најдобар начин ги искористија киксовите на Атлетико Мадрид и на Барселона.
Лас Палмас погоди уште на почетокот, во првата минута кога Фабио Силва ја затресе мрежата на Тибо Куртоа.
Но, Реал брзо се врати во натпреварот. Килијан Мбапе израмни од пенал во 18.минута, по прекршокот над Родриго, а Брахим Дијаз се погрижи за пресврт во 33.минута.
Само три минути подоцна Мбапе уште еднаш погоди за 3-1 по првиот дел.
Во второто полувреме Родриго постигна и четврти гол и ја осигура победата на Реал.
