Вардар замина на тринеделни подготовки во Анталија

Најтрофејниот македонски клуб Вардар ја почнува втората база од подготовките и се сели во Анталија.

Тимот денеска отпатува за Турција од скопскиот аеродром. Во Анталија, тренерот Гоце Седлоски во следните три недели ќе се фокусира на подобрување на формата, воигрување на новите играчи и создавање на тимски дух. Тимот ќе одигра и неколку пријателски натпревари.

Во пролетниот дел од сезоната, Вардар ќе се бори да обезбеди опстанок во Првата лига, но и ќе го нападне трофејот во Купот на Македонија.