Брајтон и Арсенал одиграа нерешено 1-1, со што „топчиите“ пропуштија шанса да му се доближат на лидерот Ливерпул пред утрешниот дуел на „црвените“ со Манчестер Јунајтед. Иако тимот на Микел Артета поведе, Брајтон успеа да се врати во игра во второто полувреме и да го запише своето десетто реми во последните 20 натпревари во Премиер – лигата.
Арсенал го отвори резултатот преку младиот Итан Нуанери во 16. минута, но Жоао Педро израмни во 61. минута од пенал.
По ова реми, Арсенал останува на втората позиција со 40 бодови, пет помалку од Ливерпул, кој има и два натпревари помалку.
