Ливерпул е на пат да го засили својот тим на крилните позиции, а целта е бразилскиот напаѓач Матеус Куња, кој оваа сезона е еден од најдобрите играчи во англиската Премиер – лига. Куња блеска во дресот на Вулверхемптон, а менаџерот на Ливерпул, Арне Слот, многу сака да го доведе како замена за Мохамед Салах.
Куња забележа значителен напредок во Премиер – лигата, со десет постигнати голови и четири асистенции во 19 настапи оваа сезона, што го прави главен играч на Вулверхемптон. Како што јавуваат англиските медиуми, Вулверхемптон постави цена од 70 милиони евра за бразилскиот напаѓач, а трансферот може да стане реалност ако Ливерпул одлучи да го потпише, особено поради фактот што Мохамед Салах најави дека ќе го напушти клубот на крајот од оваа сезона.
Куња ја започна својата кариера во бразилскиот клуб Коритиба, а потоа играше за швајцарски Сион, германски Лајпциг, а потоа и за Херта и за Атлетико Мадрид. На крајот, прејде во Вулверхемптон во 2023 година за 50 милиони евра, што се покажа како многу добра инвестиција за „волците“.
