Милан направи пресврт и го победи Јувентус со 2-1 во полуфиналето на Суперкупот на Италија, што се одржува во Ријад. Со оваа победа, „росонерите“ обезбедија место во финалето, каде што ќе се соочат со градскиот ривал Интер во вистинско дерби за трофејот.
Новиот тренер на Милан, Серџо Консеисао, имаше импресивен старт на својата ера, славејќи во својот деби натпревар против тимот на неговиот син, кој игра за Јувентус.
Јувентус поведе во 21. минута со голот на Јилдиз, но Милан го доби натпреварот во второто полувреме. Пулишиќ израмни од пенал во 71. минута, а само пет минути подоцна автоголот на Федерико Гати му донесе победа на Милан.
Финалето од Суперкупот на Италија ќе се игра в понеделник во Ријад, каде што Милан и Интер ќе се борат за престижната титула.
