Актуелниот шампион Манчестер Сити продолжи со разочарувачките резултати и на Боксинг Деј, играјќи само 1-1 против Евертон на „Етихад“.
Напаѓачот Ерлинг Халанд беше трагичар, бидејќи во 53. минута не успеа да реализира пенал. Голманот на Евертон, Џордан Пикфорд, одлично го одбрани неговиот удар од белата точка.
Сити поведе рано во натпреварот, со погодокот на Бернардо Силва во 14. минута, но Евертон успеа да израмни пред крајот на првото полувреме. Илиман Ендиаје постигна гол во 36. минута, поставувајќи го конечниот резултат.
И покрај обидите, „граѓаните“ не успеаја да ја вратат предноста и останаа без целосен плен.
