Тренерот на Рома, Клаудио Раниери, изрази задоволство од победата со 4-1 над Сампдорија и пласманот на неговиот тим во четвртфиналето на Купот на Италија. Сепак, тој призна дека екипата не е во најдобра форма, бидејќи, како што истакна, „инаку немаше да биде повикан“.
„Екипата не е во добар период, инаку немаше да ме побараат, ха-ха. Мораше да покажеме реакција по слабото второ полувреме против Комо. Момците покажаа желба за победа. Тие имаат квалитет, но тоа не е доволно. Покрај квалитетот, потребни се чувство на припадност и борбен дух. Против Комо не трчавме доволно како тим и оставивме многу лош впечаток“, изјави тренерот на Рома.
Раниери, кој има 73 години, се очекува да ја води екипата само до крајот на сезоната. Тој ги коментираше шпекулациите за неговиот наследник.
„Го разбирам интересот на медиумите за ова прашање, бидејќи е важно да се создаде соодветна атмосфера. Во моментов, ние сме фокусирани само на нашите настапи во првенството. Ако не играме добро, нема да можеме да привлечеме тренер од врвен калибар“, заклучи искусниот стратег.
