Во Барселона ги информирале централниот дефанзивец Роналд Араухо и играчот од средниот ред Френки де Јонг дека, доколку не потпишат нови договори со клубот до крајот на сезоната, ќе бидат ставени на трансфер – листа во летниот период.
Според каталонскиот „Спорт“, слично известување било испратено и до сите фудбалери чии договори истекуваат во 2026 година.
Сегашната намера на двајцата играчи е да постигнат договор со клубот. Се нагласува дека и Араухо и де Јонг биле информирани за нивната важна улога во иднината на тимот, а претседателот Жоан Лапорта лично разговарал со нив.
