Барселона доживеа шок на домашен терен откако загуби од Леганес со 0-1. Тоа е голем удар за тимот на Ханси Флик, кој сега има натпревар повеќе од Атлетико Мадрид и идентичен број бодови (38) пред големото дерби во наредното коло.
Реал Мадрид има еден бод помалку, но и еден одигран натпревар помалку од Барселона.
Леганес поведе уште во четвртата минута, кога Серхио Гонзалес со удар со глава ја затресе мрежата на Ињаки Пења по корнерот од десната страна.
Барселона беше неинвентивна, но, сепак, создаде неколку шанси, кои не ги реализираа Левандовски, Рафиња, Јамал и останатите ѕвезди во тимот.
