Победа со нов тренер ќе влезе во вториот дел од сезоната, откако Управниот Одбор на прилепскиот второлигаш денеска донесе одлука да му врачи отказ на Тони Мегленски. Овој стратег ги водеше прилепчани во првиот дел од шампионатот, но Победа по првите 14 кола освои само 11 бода и се наоѓа на осмото место, по што беше донесена одлука за тренерска смена.
„По разгледувањето на се она што беше постигнато во есенскиот дел од натпреварувачката 2019/20 година, очигледно беше незадоволството од постигнатите резултати и едногласно беше одлучено од сите членови на УО на ФК „Победа“ АД – Прилеп тренерот Мегленски Тони да биде разрешен од функцијата. За назначување односно пополнување на функцијата нов шеф на стручниот штаб по активностите на УО и изнаоѓањето на решение, јавноста ке биде благовремено известена повторно преку официјално известување од страна на УО на ФК Победа АД – Прилеп“ – соопштија од раководството на прилепскиот второлигаш.
Победа во првото коло од вториот дел од сезоната, на крајот од февруари ќе му гостува на „фенерџијата“ Питу Гули.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski