Шампионот на Швајцарија, Јанг Бојс, објави трагична вест. Еден од двата сина на фудбалерот на тимот, Мешак Елија, починал по кратко боледување. Сопругата на 27-годишниот играч патувала во Демократска Република Конго со двете деца, каде што се случил и трагичниот настан.
Елија веднаш го напуштил кампот на тимот пред синоќешното гостување на Штутгарт во Лигата на шампионите. Натпреварот во Германија започна со минута молчење во чест на синот на Мешак Елија, а дуелот заврши со победа за Штутгарт од 5-1.
По постигнувањето на голот за Јанг Бојс, со кој беше отворен резултатот, неговите соиграчи го развеаја дресот на својот соиграч, оддавајќи му почит.
