Фудбалерите на Манчестер Сити минатата недела доживеаја пораз во големото дерби против Ливерпул, што очигледно ја зголеми тензијата во таборот на „граѓаните“. Инцидентот на улица, во кој беше вклучен тренерот Пеп Гвардиола, привлече големо внимание.
Гвардиола, кој беше забележан како шета во придружба на обезбедување, беше провоциран од навивач кој му префрли дека е лут поради поразот од Ливерпул.
Провокацијата го „запали“ Гвардиола, кој се сврте и тргна да се соочи со навивачот, но обезбедувањето интервенираше и спречи ситуацијата да ескалира во физички конфликт.
Снимката од инцидентот брзо се прошири на социјалните мрежи, потврдувајќи ја напнатоста кај трофејниот тренер во последниве недели.
