Менаџерот на Манчестер Јунајтед, Рубен Аморим, зборуваше по поразот на неговиот тим со 0-2 од Арсенал во големото дерби на 14. коло на англиската Премиер – лига. Ова беше прв пораз за португалскиот стручњак откако го презеде тимот во средината на минатиот месец.
„Ова беше тежок натпревар. Се обидовме да го играме нашиот фудбал, особено во првото полувреме. Имаме потреба од повеќе тренинг. Беше навистина тешко за нас. Се обидовме, имавме две шанси и не постигнавме гол, а потоа тие постигнаа. Треба да разбереме дека тие имаат години работа зад себе, во кои работеле на своите стандарди. Дури и кога сте долго време тука, можете да видите како тоа менува сè“, изјави Аморим.
Поразот ги врати „црвените ѓаволи“ во втората половина на табелата, додека тимот продолжува да заостанува сериозно во однос на топ 4.
