Напаѓачот на Барселона, Ансу Фати, повторно се повреди. Неверојатно е дека Шпанецот доби нова повреда на задната ложа, ако се земе предвид дека буквално и не игра кај Ханси Флик. Но, поради новата повреда која ја здоби на денешниот тренинг, ќе паузира околу еден месец.
Од друга страна, ова и не е изненадување ако се земе предвид дека медицинскиот тим на Барселона минатата година се обиде да го убеди Фати да оди на операција за да го реши проблемот со ложата. Фати одби, се лекуваше со алтернативни методи и сега ја обнови мускулната повреда.
Изгледа дека на овој начин можеби и се прости од Барселона, бидејќи планот на клубот е да го продаде или да го прати на позајмица во зимскиот преоден рок.
Фати е дете на Барселона, експлодираше кај Ернесто Валверде, но сè тргна надолу откако во ноември 2019 година се здоби тешка повреда на предните вкрстени лигаменти на коленото.
Беше на три операции, паузираше повеќе од една година, а потоа започнаа честите проблеми со ложите.
