Брегалница со пресврт во последните десетина минути успеа да го победи Аресими со 2-1 во најинтересниот натпревар од 12.коло во Втората фудбалска лига. Шефит Шефити го доведе Аресими во водство со прекрасен гол, но израмни Зоран Даноски во 83.минута, а Давид Калпачки постигна победнички погодок во 91. минута од дуелот.
Македонија ЃП го чува лидерското место откако го победи Борец во Велес со 0-2. Двоен стрелец бепе искусниот напаѓач Симеон Христов. Тој во 60.минута го отвори резултатот, а во последните моменти постигна и втор погодок за потврда на триумфот.
Кожуф и Охрид ремизираа без голови, а Осогово славеше против Победа со 4-1. Паунов беше двоен стрелец, а погодија и Симоски и Фикрет.
Детонит Плачковица ја совлада Беласица со 2-1.
На „Автокоманда“ се случи голем инцидент, откако фанови влетаа во терен, имаше прекин, а на крајот ФК Скопје славеше против Башкими со 2-1. Новаци на гости го победи Вардарски (0-2), а и Каменица Саса триумфира против Вардар Неготино (0-1).
