Младата фудбалска репрезентација на Македонија до 15 години на тренинг центарот „Петар Милошевски” во Скопје, загуби со 1-3 од соодветната селекција на Србија во вториот контролен натпревар одигран помеѓу овие две селекции.
На почетокот на средбата во четвртата минута Крстевски одлично проби по левата страна, шутираше, но неговиот удар завшри покрај стативата.
Во 26. минута, репрезентацијата на Србија преку Илиќ дојде до предност. Истиот играч постигна нов гол во 36. минута за предност од 0-2. Следниот напад Македонија имаше можност брзо да се врати во игра, но Стојанов пропушти голема шанса.
Во продолжението од средбата, нашите млади фудбалери преку Спироски во 51. минута го намалија водството на Србија.
Во 60. минута Матановиќ постигна погодок, со кој ги постави конечните 1-3.
Во првиот контролен натпревар одигран меѓу овие две репрезентации, Србија забележа победа од 2-4.
МАКЕДОНИЈА: Петров, Павлов, Бочески, Масев, Акики, Ристиќ, Стојанов, Крстевски, Таири, Велески Полимак.
