Тренерот на Атлетико Мадрид, Диего Симеоне, беше многу лут по поразот од Лил со 1-3 на домашен терен. Аргентинецот упати критики и кон судијата, кој досуди контроверзен пенал во корист на гостите во второто полувреме.
„Тоа дефинитивно не беше пенал. Нема туркање, нема игра со рака. Го гледав повторувањето. Топката ја допре играчот на нивниот тим, а не Коке. Судијата можеби помисли дека тоа беше рака на Коке, но не беше така. Чудно е што ВАР не интервенираше. Што можеме да направиме во ваква ситуација?“, изјави Симеоне.
„При 1-2 натпреварот стана тежок за нас. Генерално, нашата ситуација во Лигата на шампионите сега е компликувана, а шансите ни се намалија. Можеби еден ден ваквите судиски грешки ќе бидат во наша корист. Вистината е дека вакви моменти ги одлучуваат натпревари“, продолжи тој.
„Сорлот? Тој одигра многу добро, постојано се движеше и доаѓаше во шанси за гол, но не успеа да постигне погодок. Жал ми е, но таков е животот на напаѓачите. Се надевам дека шутовите кои Сорлот ги промаши, ќе станат голови во следните натпревари“, додаде Чоло.
