Тренерот на Интер, Симоне Инзаги, беше задоволен од победата на неговиот тим со 0-1 на гостувањето кај Јанг Бојс во Лигата на шампионите. Победата дојде тешко, откако Маркус Турам постигна гол во судиското продолжение на натпреварот.
„Важно е играчите кои влегуваат како резерви да го дадат својот придонес за добри резултати. Современиот фудбал го бара тоа. Против Рома исто така резервите се вклучија силно. Знаевме дека натпреварот ќе биде тежок. Покажавме дух и се радуваме на петтата последовна победа. Сакаме да продолжиме во истиот ритам“, изјави Инзаги.
„Повредата на Карлос Аугусто малку ме загрижува. До крајот на ноември нè чека тешка серија натпревари, во кои ќе бидеме со ограничен состав, бидејќи имаме доста играчи со повреди. Сепак, ќе се обидеме да извлечеме максимум од секој натпревар“, потенцира тренерот на Интер.
„Во отсуство на Хакан Чалханоглу, пеналите ги изведуваат Марко Арнаутовиќ и Мехди Тареми. Арнаутовиќ е добар изведувач, но голманот имаше одлична одбрана. Марко не треба да се грижи, туку да продолжи да работи. Тој е важен за нас“, додаде Инзаги.
-
Ексклузивна колумна на Филип Лам: Хомогеноста на Шпанија против непредвидливите Германци
Осум селекции сѐ уште остануваат, но сите дваесет и четири нации придонесоа за успехот...
Автор makfudbal
-
(ИН)ДИРЕКТ: Време е за ново „правило“: Ако не минеш две кола во Европа, следните три години „не смееш“ да играш!
Македонските фудбалски туристи се прошетаа низ Европа, добро, низ споредните државички кои се далеку...
Автор Nikola Gjurovski