Раководството на Ајакс ја разгледува можноста да го врати Антони од Манчестер Јунајтед, но има загриженост за психолошката состојба на напаѓачот, јавува холандскиот медиум „Де Телеграаф“.
Бразилецот прејде во Манчестер Јунајтед во 2022 година со трансфер вреден 86 милиони фунти, играјќи повторно под раководството на својот поранешен тренер Ерик тен Хаг. Токму сегашниот менаџер на „црвените ѓаволи“ го донесе во Ајакс во 2020 година со трансфер од Сао Паоло.
Антони постигна 24 голови во 82 натпревари за Ајакс, додека неговата ефикасност за Јунајтед е двојно послаба – 12 голови за 86 натпревари.
Според „Де Телеграаф“, Ајакс размислува за понуда за Антони, но од холандскиот клуб се загрижени за неговата психолошка состојба. Во Амстердам сè уште не се убедени дека тој може да ја врати старата форма.
