Винисиус Жуниор изјави дека сака да остане во Реал Мадрид засекогаш, по постигнатиот хет-трик против Борусија Дортмунд во триумфот од 5-2.
„Имам 24 години, сакам да останам тука засекогаш и да дадам уште повеќе на тимот кој ми даде сè. Среќен сум кога навивачите го скандираат моето име, тоа е исполнување на сонот за мене. Анчелоти секогаш ми вели дека можам уште повеќе“, изјави Винисиус, кој беше избран за МВП на натпреварот.
„Веруваме во себе, знаеме дека сè може да се случи на нашиот домашен терен со нашите навивачи. На полувремето во соблекувалната беше многу тивко, внимателно го слушавме тренерот и си рековме само една работа: ‘Ако дадеме први гол во второто полувреме, ќе направиме пресврт’. Нашиот тренер секогаш наоѓа начин да ни ги олесни натпреварите, ја променивме формацијата, а исто така и динамиката во второто полувреме. Благодариме на навивачите, но мораме да се подобриме и да играме вака од самиот почеток, затоа што во спротивно тренерот нема да издржи“, додаде Бразилецот.
