Талентираниот играч на Барселона, Гави, кој се врати по долго отсуство поради повреда, емотивно го коментира фактот дека по 11 месеци повторно се врати на теренот за време на вчерашниот натпревар против Севилја. 20-годишниот играч од средниот ред на Барса одигра околу десет минути на крајот од натпреварот, носејќи ја капитенската лента.
По натпреварот, Гави беше исклучително среќен и им се заблагодари на сите во клубот за поддршката за време на долгиот период на опоравување од тешката повреда на коленото.
„Многу сум среќен што се вратив и што повторно сум со тимот. Месециве сонував за овој момент и сум многу благодарен на сите, бидејќи тие го направија целиот процес многу полесен за мене. Најтешко е да не можеш да играш. Многу е тешко да го гледаш тимот однадвор. Мора да уживаш во секој момент и да ги цениш работите што ги имаш. Се чувствувам како голем среќник што сум тука“, изјави Гави по убедливата победа над Севиља.
Неговиот соиграч и пријател Педри, кој му ја предаде капитенската лента во 83. минута, изјави дека е среќен за својот соиграч.
„Гави го заслужува овој момент. Тој е многу трудољубив и е одлична личност. Гледате колку многу го сакаат навивачите“, истакна Педри.
