Шалке 04 пред три години испадна од Бундес-лигата и сега се бори за опстанок во Втората лига. Во моментов, тимот од Гелзенкирхен се наоѓа на 13. место.
Клубот се соочува и со големи финансиски проблеми, при што германските медиуми пишуваат дека Шалке е во минус од 168 милиони евра. Раководството на клубот се обидува да собере средства, па се обидува да ги вклучи и навивачите во тој процес. Имено, клубот им понуди на навивачите акции од стадионот „Велтинс Арена“ во Гелзенкирхен.
Позната е и цената. Раководството има за цел да го покрие долгот преку продажба на акции од стадионот. Во официјалното соопштение беше најавено дека започнува продажбата на акциите. Прво ќе се формира здружение за таа цел, а цената на една акција би требало да биде помала од 750 евра.
Претседателот на Шалке, Матијас Тилман, објасни дека здружението ќе ги купи акциите од стадионот, но управувањето ќе остане во рацете на клубот.
„Билд“ го нарече овој потег на Шалке „почеток на просјачки поход“. Проектот треба да започне за еден месец, а во клубот очекуваат дека ова ќе ги спаси. Шалке петпати бил првак на Германија, последен пат во 1958 година. Последниот трофеј го освои во 2011 година, кога го освои Купот на Германија.
