Барселона е заинтересирана за привлекување на дефанзивецот на Баерн Минхен, Алфонсо Дејвис, пишува „Мундо Депортиво“.
23-годишниот Канаѓанец е дел од германскиот гигант од 2018 година, кога дојде од американската МЛС – лига. Оваа сезона тој настапи на пет натпревари за својот тим во Бундес-лигата, како и на двата дуели во Лигата на шампионите, но сè уште нема постигнато гол.
Летово се појавија информации дека големиот ривал на Барселона, Реал Мадрид, исто така сака да го донесе Алфонсо Дејвис во своите редови, но тогаш „кралевите“ не се договорија со германскиот клуб и одлучија да ја остават работата за следното лето, кога играчот би можел да дојде на слободен трансфер.
Реал Мадрид наводно се договорил со Алфонсо Дејвис да почека уште една година. Пазарната вредност на Алфонсо Дејвис изнесува 50 милиони евра, што е за 20 милиони помалку од минатата година, кога неговата вредност беше 70 милиони евра.
