Натпреварот од десеттото коло во Првата лига меѓу Тиквеш и Шкендија ќе се одигра во Штип. Тиквеш со овој меч ќе ја одработи суспензијата на теренот во Кавадарци и од следниот дуел ќе може да се врати дома.
Поради инцидентот на мечот со Вардар, кавадарчани беа казнети со два меча суспензија на домашниот терен, а првиот го одиграа во Кичево и ремизираа без голови против Силекс.
Покрај мечот Тиквеш – Шкендија, во десеттото коло се среќаваат и Струга ТЛ – Силекс, Работнички – Гостивар, Беса – Вардар, Брера – Воска и Пелистер – Шкупи.
