Момци, после овие два меча, треба да останеме – први!(ФОТО)

Фудбалската репрезентација на Македонија го одработи првиот тренинг, стартувајќи ја октомвриската мисија во Лигата на нации. Таа подразбира две гостувања, во Рига и во Ереван, а селекторот Благоја Милевски ја кажа целта уште пред првиот собир. Македонија треба да остане првопласирана во групата.

Не мина без проблеми денешниот прв собир, затоа што Александар Трајковски нема да биде дел од националниот тим, а неизвесен е и Дарко Чурлинов. Тоа сериозно ќе ги намали опциите во навалната линија.

Македонија треба да се наметне како фаворит и на двете гостувања, против Летонија на 10 октомври во Рига и против Ерменија во Ереван на 13 октомври.