МАКФУДБАЛ ТРЕНЕР на колото: Горан Станиќ (Работнички)

Работнички одамна не бил на првото место во елитата. По подолг период, „романтичарите“ се искачија највисоко на врвот, а големи заслуги за тоа покрај за главните актери – фудбалерите, одат и за шефот на стручниот штаб, Горан Станиќ.

Работнички оваа сезона има одговор и подготвен план за сите ривали. Станиќ го кова планот, а потоа ги распоредува фудбалерите на теренот тоа да го спроведат. Делува едноставно, но досега не им успеа на многумина пред него со тимот од Дебар Маало.

Најнов тим во неговиот нотес е Воска. Работнички рутински дојде до победата, наликувајќи на тим кој е подготвен за високи дострели.

МАКФУДБАЛ го избра Горан Станиќ за најдобар тренер на 9.коло во Првата фудбалска лига. Тој го предводи МАКФУДБАЛ ТИМОТ НА КОЛОТО.