Реал Мадрид внимателно го следи развојот на дефанзивецот на Манчестер Јунајтед, Диого Дало. Португалецот е посочен како потенцијална трансферна цел за засилување на одбраната на „кралскиот клуб“ следното лето, пренесува „Фичајес“.
Реал моментно има добро комплетиран состав, но десниот бек е една од осетливите позиции. Дополнително, Дани Карвахал е веќе во понапредни години и клубот мора да размислува за негов наследник.
Всушност, првиот избор за Реал на таа позиција е дефанзивецот на Ливерпул, Трент Александар-Арнолд. Сепак, неговото доведување може да биде многу тежок потфат, па на „Сантијаго Бернабеу“ разгледуваат и други опции, од кои една е токму Диого Дало.
25-годишниот Португалец дури сега влегува во своите најдобри фудбалски години, и во Реал веруваат дека тој ќе продолжи да се развива. Покрај тоа, Дало стекна големо искуство како во Премиер – лигата, така и во Серија А, каде што играше за Милан, а исто така е и репрезентативец на својата земја со 24 настапи и три постигнати гола.
