Полскиот интернационалец Војчех Шчешни и поставил услов на Барселона за да се сложи да ја прекине пензијата и да се врати на фудбалскиот живот. Тој напоменал дека ќе дојде само доколку биде прв голман на клубот, а Инаки Пења повторно да се пресели на клупата.
Медицинските прегледи што треба да ги направи пред да пристигне во Барселона веќе се закажани за в понеделник, а наводно тренерот Ханси Флик му дал гаранции дека ќе биде прв голман на тимот.
Поранешниот голман на Арсенал и Јувентус треба да потпише договор до крајот на сезоната и за тоа ќе добие плата од 3 милиони евра, плус бонуси.
