Натпреварот меѓу Тиквеш и Вардар (0-1) не го доживеа својот крај. Во последните мигови се случија немили сцени, на Тиквеш му беше поништен гол поради офсајд ситуација, а потоа навивачи со тврди предмети го удрија асистентот судија Гоце Петрески.
Александар Ставрев досуди прекин на натпреварот, иако во тие моменти многумина помислија дека отсвири и крај, па во записникот се вели дека ќе следуваат дополнителни извештаи за инцидентот.
Вардар во тие моменти имаше водство од 0-1 со голот на Горан Закариќ, но доколку и официјално е прекин, тогаш ќе го добие натпреварот со службен резултат 0-3.
Тиквеш сигурно го очекува жестока казна поради лоша организација на натпреварот.
