Галатасарај го искористи својот профил на социјалните мрежи за да се потсмева на тренерот на Фенербахче, Жозе Мурињо, по победата со 1-3 во дербито на Истанбул од шестото коло на турското фудбалско првенство.
По завршувањето на натпреварот, на социјалните мрежи на Галатасарај беше објавена пародична корица на книга со ликот на португалскиот тренер.
Насловот на книгата, „Плачливкото“, е јасна алузија на познатиот прекар на Мурињо – „Специјалниот“.
На задната корица пишува: „Тој е вистински мајстор на жалењето! Психозата која авторот ја доживува поради картоните предизвикува смеење и размислување. Авторот успешно ја меша својата перцепција на реалноста со светот на фантазијата.“
Мурињо беше назначен за тренер на Фенербахче во мај оваа година. По шест кола, неговиот тим е на второто место со 13 бода, додека Галатасарај е на врвот со 18 бода.
