Брегалница очекувано ја совлада Каменица Саса на домашен терен со 3-0 и се искачи на првото место на табелата во Втората лига Исток со 26 бода. Но, главниот конкурент Тиквеш утре го игра мечот против Плачковица на домашен терен.
Дарко Додев се врати по повредата и постигна гол за водство во 17.минута, а пет минути подоцна искусниот Ристе Наумов зголеми на 2-0.
Третиот гол за Брегалница беше дело на Наумче Бакрачески во 68.минута од мечот.
Ова беше прв натпревар за Брегалница по разделбата со тренерот Добринко Илиевски, тоа не се почувствува на резултатски план.
