Фудбалската репрезентација на Македонија остана на 72. позиција на најновата ранкинг – листа на ФИФА.
Ремито со Фарски острови (1-1) и победата над Ерменија (2-0) беа доволни за Македонија да го задржи своето место на рангирањето на Светската куќа на фудбалот.
Од нашите ривали во Лигата на нации, селекцијата на Eрменија се наоѓа на 96. место, Летонија е рангирана на 137. позиција, а Фарски острови се на 140. место на ФИФА-листата.
На врвот од листата е Аргентина, втора е Франција, а трета Шпанија, по што следуваат Англија, Бразил, Белгија, Холандија, Португалија, Колумбија и Италија.
