Ламин Јамал е новата ѕвезда на светскиот фудбал, откако блесна во полн сјај во дресот на Шпанија на Европското првнство. Тој уште минатата сезона во тимот на Барселона најави дека има неверојатен талент, а многумина веќе го споредуваат и со Лионел Меси.
Агентот на Дани Олмо, Енди Бара, откри дека Барселона одбила понуда во вредност од 250 милиони евра од Пари Сен Жермен за Ламин Јамал.
„Знам дека Барселона одби одлична понуда од околу 250 милиони евра за Ламин Јамал од ПСЖ“, изјави Бара.
Што се однесува до Дани Олмо, агентот додаде дека тој сакал да се врати во Барселона и порано, но трансферот не се реализирал поради финансиски причини. Сега конечно е во клубот на своето детство.
