Натпреварот меѓу Јединство и Дечиќ, одигран во рамките на првенството на Црна Гора, стана тема во регионот поради скандалот за кој пишуваат локалните медиуми. Натпреварот заврши 1-1, со, како што наведува Радио и Телевизија Црна Гора, голема грешка и неправда во режија на судијата Милош Савовиќ.
„Во 40. минута од натпреварот Јединство – Дечиќ, гостинскиот играч Аугусто Шагас шутираше, голманот Горан Аковиќ со мала мака одбрани, а помошниот судија Урош Рашовиќ му сигнализираше на главниот судија, Милош Савовиќ, дека топката со целиот дијаметар ја преминала гол-линијата“, се наведува во текстот.
„Се случи нов скандал“ „Од сите на стадионот во Бијело Поље, тоа веројатно го виде само Рашовиќ, бидејќи на играчите на Јединство и Дечиќ им беше јасно дека Аковиќ навремено реагираше. Дури и крилото Ален Машовиќ, веднаш се фати за глава, бидејќи беше свесен каква шанса пропушти Бразилецот. Но, само неколку секунди подоцна започна славјето на гостите и оправданото незадоволство на домашните играчи, стручниот штаб и навивачите“, пишува РТЦГ, додавајќи:
„Токму кога малку заборавивме на сите ужасни сцени од минатата полусезона во црногорскиот фудбал, на што влијаеја и неочекувано добрите резултати на нашите клубови во квалификациите за Конференциската лига, се случи нов скандал“.
