Менаџерот на Арсенал, Микел Артета, се очекува наскоро да потпише нов договор со клубот, според „Скај Спортс“. Односите меѓу него, спортскиот директор Еду и сопствениците од семејството Кренке се толку добри што нема ни да има официјални преговори.
Според раководството на лондонскиот клуб, Арсенал може и понатаму да се развива под водство на Артета. Моментно, 42-годишниот стручњак има договор до 2025 година.
Двете страни имаат исти идеи за иднината на клубот и Артета ќе добие договор за уште три сезони.
