Дефанзивецот на Ајакс, Борна Соса, се приклучи на Торино на позајмица, потврдија од клубот. Договорот со 26-годишниот хрватски репрезентативец е до крајот на оваа сезона, а вклучува и опција за откупување.
Во минатата сезона Соса одигра 27 натпревари за Ајакс и оствари пет асистенции.
Левиот бек исто така има 21 настап за хрватската репрезентација, во кои постигнал еден гол, а беше дел од тимот на Хрватска на ЕВРО 2024.
