Милан спаси жива глава против Торино и остана непоразен, иако губеше до 89.минута со 0-2 на „Сан Сиро“. Сепак, Алваро Мората и Ноа Окафор постигнаа два гола за израмнување, 2-2, во финишот од мечот.
Тијао во 30.минута постигна автогол, во обид да спаси на гол-линијата и Торино поведе во Милано. Во 68.минута, Дуван Запата постигна втор гол за гостите.
Мората намали во 89.минута, а Окафор погоди за израмнување во 95.минута.
