Македонија ЃП и Брегалница, кои важат за фаворити, успешно ја стартуваа сезоната во Втората лига.
„Лавовите“ славеа на домашен терен во Ѓорче Петров со 2-0 против Охрид Лихнидос. Крсте Велкоски од пенал и Симеон Христов во вториот дел го скршија отпорот на гостите и донесоа триумф.
Брегалница со 2-1 ја совлада Побeда. Штипјани поведоа со голот на Иван Глигоров во 20. минута, a Абази во 53. минута зголеми на 2-0. Дамјан Ангелкоски во 67.минута беше стрелец за Победа.
Арсими со 4-2 ја победи Беласица, а Вардар Неготино на гостински терен славеше против Осогово со 1-2.
Кожуф и Каменица Саса ремизираа 2-2, а идентично беше и на мечот меѓу Скопје и Вардарски на „Автокоманда“.
Новаци го изненади Детонит Плачковица во Радовиш и оствари триумф од 2-4.
Борец и Башкими ќе го одиграат својот натпревар од првото коло на 20. август.
